Laçi do nisë rikonstruktimin e fushës së stadiumit. Në këto kushte, kurbinasit kanë kërkuar një tjetër stadium si shtëpi dhe zgjidhja është parë në “Elbasan Arena”. Pas Teutës dhe Dinamos, që i shtohen Kukësit dhe Partizanit, edhe Laçi ka gjetur shpëtim në Elbasan.
Rreziku i prishjes së fushës ekziston, me FSHF që nuk ka tjetër variant. Fusha e re në “Air Albania” s’është ende gati, ndërsa muaji tetor pret Kombëtaren për ndeshjet kualifikuese të Kupës së Botës.
Ndërkohë që në stadiumet respektive të skuadrave kryen punime, stadiumi i Elbasanit në javët e ardhshme do jetë shtëpia e disa klubeve në Superligë.
