Deputeti Flamur Noka ka reaguar pas raportimeve mediatike se në mbledhjen e grupit parlamentar pati një debat të ashpër me kryetarin e PD, Lulzim Basha, pasi ky i fundit njoftoi përjashtimin e Berishës nga grupi parlamentar i Partisë Demokratike.
Në një postim në rrjetet sociale, Noka mohon se ka pasur sherr me Bashën, ndërsa sqaron se në mbledhje mbrojti bindjen se PD duhet tu qëndrojë parimeve dhe vlerave të një demokracie dhe të drejtave që çdo individi ja përcakton Kushtetuta.
Ai shprehet kundër përjashtimit të Berishës, ndërsa shton se të tilla vendime nuk mund të merren nga 1 person, qoftë ky dhe Kryetari, por të pyeten institucionet e Partisë dhe të shkohet në referendum me votën e anëtarësisë.
“Ne detyrim ndaj demokrateve dhe opinionit publik ju bej me dije se ne mbledhjen e grupit parlammetar une mbrojta bindjen se PD duhet tu qendroje parimeve dhe vlerave te nje demokracie dhe te drejtave qe cdo individi ja percakton kushtetuta ..Detyra e PD eshte te punoj pa reshtur te sqaroj aleatin tone strategjik rreth shpifjeve , trillimeve dhe sajesave qe Rama dhe Rilindja ju ka percjelle ne adrese te Sali Berishes….Vendimi mbi përjashtimin e Sali Berishës është perligjje e ketyre akuzave, dhe mohim i historisë te vet PD. Vendime të tilla nuk mund të merren nga 1 person, qoftë ky dhe Kryetari, por te pyeten institucionet e Partise dhe të shkohet në referendum me votën e anëtarësisë. Siç e përmenda edhe në grup, këtë qendrim ia komunikova kryetarit Basha edhe në zyrën e tij pas berjes publik ne media te qendrimit te tij para mbledhjes. Çdo histori që e çon këtë bisedë tek banalitetet me sherre, është një shpifje e ulët dhe e neveris”, shkruan Noka në një postim në FB.
