Policia e Durrësit arrestoi dy persona me akuzën e kultivimit të lëndëve narkotike.
Të arrestuarit janë Xh. K., banues në Arrameras, Fushë Krujë, dhe I.L, banues në Borizanë (Krujë), pasi gjatë kontrollit të ushtruar në afërsi të banesave të tyre, janë gjetur të kultivuara fidanë të dyshuar cannabis sativa.
“Në vijim të punës për parandalimin evidentimin dhe goditjen e veprimtarisë kriminale në fushën e kultivimit të bimëve narkotike, shërbimet e Komisariatit të Policisë Krujë, në bashkëpunim me strukturat e DVP Durrës, si rezultat i kontrollit në territor kanë evidentuar dhe goditur 2 raste të tentativës për kultivim të kanabisit në territorin e Krujës.
Në vijim të veprimeve, specialistët për Hetimin e Krimeve në Komisariatin e Policisë Krujë, arrestuan në flagrancë shtetasit:
Xh. K., banues në Arrameras, Fushë Krujë, pasi gjatë kontrollit të ushtruar në afërsi të banesës së tij, shërbimet e Policisë kanë gjetur të kultivuar fidanë të dyshuar cannabis sativa.
I. L., banues në Borizanë, Krujë, pasi gjatë kontrollit në afërsi të banesës së tij, shërbimet e Policisë kanë gjetur të kultivuar fidanë të dyshuar cannabis sativa.
Materialet i kaluan Prokurorisë së Rrethit Gjyqësor Krujë, për veprime të mëtejshme”, njoftoi policia.
