Një 50-vjeçar është gjetur i pajetë në banesën ku jetonte në kryeqytet këtë mëngjes. Sipas policisë, ai i ka dhënë fund jetës duke u vetëvarur.
“Rreth orës 08:05, në rrugën ‘Gjergj Legisi’, dyshohet se në gjendje depresive është vetëvarur në banesë shtetasi B.Z., 50 vjeç”, njoftoi policia
Grupi hetimor po punon për sqarimin e rrethanave të ngjarjes, ndërsa materialet i kaluan Prokurorisë së Rrethit Gjyqësor Tiranë, për veprime të mëtejshme, shtuan të njëjtat burime.
Ditën e djeshme, policia njoftoi për dy raste vetëvrasje, një në fshatin Suk 1 të Roskovecit, dhe një tjetër në Fushë-Milot-Kurbin.
