Nga forumi strategjik i “Bledit” në Slloveni, Kryeministri Edi Rama, iu drejtua me një thirrje Bullgarisë për të hequr veton dhe të zhbllokojë çeljen e negociatave të Maqedonisë së Veriut me BE.
Gjithashtu Rama paralajmëroi se nuk mund të ketë Europë pa një Ballkan Perëndimor të integruar në BE.
Por, Presidenti bullgar, Rumen Radev, ka zgjedhur të bëjë disa batuta me Ramën, duke i kujtuar të pranishmëve se ndërsa flitej për integrimin në BE të vendeve të Ballkanit Perëndimor, Presidenti i Serbisë, i njohur si një nga miqtë e Kryeministrit shqiptar, nuk është i pranishëm.
“Na është dashur shumë kohë të diskutojmë çështjet në mënyrë të hapur. Emri i Bullgarisë sikur dilte në ajër. Faleminderit Edi që më në fund e the haptazi dhe e përmende. Që të jemi më konkret. Jo që të jemi më konkret miku ynë Edi. Aleksandër Vuçiç është ftuar të diskutojë të ardhmen e vendit të tij në BE dhe nuk është këtu. Dhe unë jam këtu dhe ai nuk është. Unë që jam përfaqësues i një vendi që është pjesë e BE.
Çfarë të ardhme do kemi? Bullgaria është mbështetësi më i fortë i procesit të zgjerimit por ky proces dëshirojmë që të jetë stabël dhe të pa kthyeshëm.
Për të vazhduar këtë duhet të kthehemi tek vlerat tona. Të rinjtë tanë do takohen të lirë dhe pa fjalë urrejtje dhe duke e njohur njëri tjetrin duke përjashtuar gjuhën e urrejtjes. Dhe ky ishte shqetësimi im. Bullgaria është mik i besuar në këtë proces. Bullgaria është gjithmonë aty. Edhe ku Ballkani Perëndimor doli nga radarët. Bullgaria e solli në vëmendje”, tha Radev.
