Policia italiane ka arrestuar një 38-vjeçar, pasi u kap me kokainë. Mediat vendase shkruajnë se i arrestuari është pronari i një piceria në zonën e Lombardisë, i cili mbante doza kokaine në vend të kripës. Sipas njoftimit të policisë, 38-vjeçari bashkë me picën i vendoste kokainë klientëve të tij.
Mësohet se italiani u zbulua pas një kontrolli rutinë që iu bë një klienti të tij. Ky i fundit, shkruajnë mediat, sapo kishte dalë nga piceria me një qese të bardhë. Më pas policia kontrolloi restorantin e tij, ku u gjetën 50 doza kokainë të fshehura nëpër kavanoza.
