Një i ri është vënë në pranga nga policia e Tropojës për kultivim kanabisi.
Policia njoftoi se “shërbimet e Komisariatit të Tropojës, pas një hetimi dy mujor, finalizuan operacionin e koduar ‘Vilishti’, në kuadër të të cilit u bë kapja dhe ndalimi i Gëzim Prengzaj, 30 vjeç, banues në fshatin Lekurtaj. Ky shtetas dyshohet se ka kultivuar bimë narkotike, sipër bjeshkës së fshatit Vilisht”.
Në vijim të veprimeve hetimore u procedua në gjendje të lirë për veprat penale “Moskallëzimi i krimit” dhe “Shpërdorimi i detyrës”, I.Sh., me detyrë inspektor për Pyjet dhe Mjedisin në bashkinë Tropojë, shtuan të njëjtat burime.
