Dy persona janë vënë në pranga nga policia e Sarandës si autorë të dyshuar për vjedhje.
Burimet policore bëjnë me dije se janë arrestuar në flagrancë për veprën penale “Vjedhja” shtetasit S. K., 18 vjeç dhe A. Sh., 17 vjeç, banues në fshatin Çukë, Sarandë, pasi u kapën duke vjedhur në banesën e shtetasit K. B, në fshatin Çukë.
Nga veprimet hetimore ka rezultuar se shtetasit e mësipërm në bashkëpunim me njëri-tjetrin, janë autorë dhe të ngjarjes së ndodhur më datë 05.07.2021, ku është tentuar të vidhet banesa e shtetasit I. M, në fshatin Çukë.
Materialet hetimore i kaluan Prokurorisë, për veprime të mëtejshme
