Mitri Prifti, noteri i Durrësit që tentoi të ekzekutojë me automatik burrin e kushërirës së tij, Edison Bega, rezulton të jetë larguar nga Shqipëria 3 ditë pas kryerjes së sulmit me armë.
Bega u qëllua në 29 Maj 2021 në hyrje të banesës së tij në Babicë të Vlorës.
Ndërsa nga verifikimet e kryera ka rezultuar se Prifti është larguar nga porti i Durrësit në datën 1 qershor të këtij viti.
Prifti u largua me traget në drejtim të Italisë dhe sot e kësaj dite nuk dihet me saktësi vendodhja e tij.
Policia dhe Prokuroria janë duke bashkëpunuar ngushtësisht me Interpolin, me qëllim lokalizimin e arrestimin e këtij personi.
Për të cilin Gjykata e Vlorës, ka caktuar masën e sigurisë “arrest në burg” për akuzën e “Vrasjes me dashje” mbetur në tentativë dhe “Mbajtjes pa lejë të armëve të zjarrit”.
Detaji që ka sjellë zbulimin e këtij sulmi me armë, ka qënë gjetja e makinës që përdori Mitri Prifti për tu larguar nga Vlora.
Në ikje e sipër Mitri Prifti mësohet se ka bërë aksident në dalje të qytetit të Fierit.
Qëllimi i tij ka qënë djegia e makinës, por për shkak se Prifti ka dalë nga rruga dhe ka bërë aksident, ka vendosur të largohet me shpejtësi, duke lënë gjiçka të paprekur në makinën tip Benz-Mercedes.
Makina është gjendur në mëngjes, ku policia e Fierit e ka raportuar si aksident por pas gjetjes së uniformës së policisë dhe armës, në lojë për këtë ngjarje është futur dhe policia e Vlorës, duke kryer hetime.
Në kapuçin e gjendur në makinë është gjendur një kapion pështyme, duke bërë që ajo të analizohet me bankën e të dhënave që ka sistemi i policisë shkencore.
Profilet e ADN-së së Mitri Priftit, besohet se janë marë nga policia shkencore për ekzaminim qysh prej periudhës kur ai u përfshi në ngjarjen e Shullazit, ku ky i fundit akuzohej se kërkonte ti merte me forcë.
Krahasimi i profilit të ADN-së me pështymën e gjetur në kapuçin e sekuestruar, ka rezultuar se ishte e ngjarme me atë të noterit Mitri Prifti.
Policia dhe prokuroria e Vlorës kanë bërë përpjekje gjatë këtyre 3 muajve që të gjejnë dhe pyesin lidhur me këtë fakt Mitri Priftin, por në fakt ai nuk është gjendur në Durrës dhe Tiranë. Prifti, është larguar nga Shqipëri qysh prej datës 1 qershor në drejtim të Italisë.
Mitri Prifti dhe Edison Bega,njihen me njëri-tjetrin pasi kanë lidhje familjare dhe krushqie. Mes Priftit dhe Begës ka pasur një debat disa kohë më parë, debat i cili ka bërë që Bega ta qëllojë me shuplakë në mes të lokalit, çka ka sjellë që ai të hakmeret duke e goditur me armë pikërisht në hyrje të banesës së tij në fshatin Babicë.
Sipas policisë dhe prokurorisë së Vlorës, mënyra se si është qëlluar Edison Bega, të le përshtypjen se nuk është goditur të tu vrarë, pasi tre plumbat i ka marë nga mesi e poshtë, megjithëse auto ka qënë në një distancë shumë të afërt me objektivin./OraNews/
