Derek Chauvin doli sot para gjykatës për t’u njohur me dënimin pasi më shumë se një vit më parë i mori jetën George Floyd.
Chauvin është dënuar me mbi 22 vjet burg. Ish-oficeri është mbajtur në izolim që kur u shpall fajtor në prill. Ai po mbahet në një ambient me siguri maksimale te burgu i Oak Heights, një burg pranë qendrës së Minneapolis që strehon kriminelët më të rrezikshëm.
Gjatë fjalës së tij para gjykatësve ish-oficeri i policisë tha:
“Për shkak të disa çështjeve ligjore shtesë, unë nuk mund të jap një deklaratë të plotë. Megjithatë shumë shkurt, unë dua t’i shpreh ngushëllimet e mia familjes Floyd.”, tha ai.
Derek Chauvin u dënua sot pas shumë muaj në burg, pasi një vit më parë ai i mori jetën George Floyd-it teksa po e arrestonte, pasi i vuri gjurin në fyt, duke i marrë frymën. Vrasja e Flyod, e cilësuar si vrasje si pasojë e racizmit, shkaktoi protesta të shumta në Amerikë, ndërsa njerëzit me ngjyrë kërkonin që të mbrohej jeta e tyre dhe të mos e pësonin si Floyd.
