Pasi është votuar statuti i ri i Partisë Socialiste ka patur replika të shumta së pari nga Ben Blushi e më pas nga Arta Dade ndaj votimit të statutit.
Dukej tepër i zemëruar me votimin e statutit deputeti i PS-së, Ben Blushi, i cili tha se ky statut është antikushtetues. “Ajo çka po ndodh në këtë kongres- është shprehur Blushi, nuk ka ndodhur në anjë kongres më parë”. Madje ai iu drejtua Gramoz Ruçit duke i thënë që ta kthejnë statutin dhe ta votojnë atë nen për nen, duke kujtuar se statuti i vjetër nuk është shfuqizuar ende. “Edi Rama po zgjidhet si çëshje jo si person. Kjo parti po merr shumë pikëpyetje se si funksionon. Është e padrejtë kjo që ndodhi. Sipas statutit në fuqi del një datë ku vendoset se kur do të votohet kryetari”, tha Blushi.
Ndërkohë pas fjalës së Blushit menjëherë është ngritur në këmbë deputetja Dade ku me statut në dorë ajo ka lexuar dy nene të statutit për zgjedhjen e kryetarit. Ajo mbështeti Blushin në ide, e cila kërkoi nga grupi i punës të shpjegojë se përse nuk është votuar për shfuqizimin e statutit të vjetër.Sipas Dades në këtë kongres po shkelet statuti i PS-së.
Ajo theksoi se edhe në statutin e ri, kryetari ashtu si çdo anëtar tjetër mund të bëjë karrierë vetëm në bazë të kontributeve të tij.
“Statuti i ri thotë: Karriera e çdo anëtari të partisë bazohet në meritën individuale dhe në kontribut. Kam një pyetje për grupin e punës, detyra përfaqësuese e kryetarit të partisë jepet si detyrë apo jo. Unë nuk kam votuar fare. Po bëni një statut tjetër pa shfuqizuar të parin. Grupi i punës të lexojë statutin dhe të më japë përgjigje”, u shpreh Dade.
Ndërkaq që disa persona që kundërshtuan Ben Blushin gjatë fjalës së tij, kanë gjetur reagimin e Arta Dades. Kjo e fundit u shpreh se, “këto zërat anonimë mund të vijnë të regjistrohen dhe të flasin”.
Fjala e plotë e Ben Blushit:
“Besoj që parafolësi ka konflikt interesi me këtë temë, por është mendimi i tij dhe nuk është surprizë. Do them diçka për propozimin, shkojmë në referendum apo bëjmë zgjedhje. Në parim, referendumi nuk bëhet për njerëz, zgjedhjet bëhen për njerëz. Ne sapo e votuam statutin. Ka shumë ligjvënës në sallë. Nuk votohet një ligj i cili efektet i nis sot, por në fakt i ka nisur efektet që 3 vite më parë. Ky statut në fakt hy në fuqi për zgjedhjet e ardhshme. Po votojmë një normë që në vitin 2016 anulon zgjedhjet që duheshin bërë në vitin 2013. Nuk është e vërtetë që partitë në mbarë Europën, nuk bëjnë zgjedhje pasi fitojnë pushtetin. Ky është një cenim i të gjithë juve. Kush i fiton zgjedhjet, kryetari apo partia? Nëse i fiton partia, atëherë partia vendos se kush e drejton. Angela Merkel është kancelare e Gjermanisë, votohet çdo 2 vite nga partia e saj. Ka 16 vite që është në pushtet. Nëse ajo nuk votohet, ajo nuk është më kryetare partie dhe nuk është kancelare.
Po votojmë një normë që në vitin 2016 anulon zgjedhjet që duheshin bërë në vitin 2013. Nuk është e vërtetë që partitë në mbarë Europën, nuk bëjnë zgjedhje pasi fitojnë pushtetin. Ky është një cenim i të gjithë juve. Kush i fiton zgjedhjet, kryetari apo partia? Nëse i fiton partia, atëherë partia vendos se kush e drejton. Angela Merkel është kancelare e Gjermanisë, votohet çdo 2 vite nga partia e saj. Ka 16 vite që është në pushtet. Nëse ajo nuk votohet, ajo nuk është më kryetare partie dhe nuk është kancelare. Kemi dhe një mik, Tony Blair. Partia fitoi zgjedhjet, por partia i tha se nuk do jesh më kryetari dhe kryeministri ynë. Të vijmë te referendumi. Ja ku është Edi Rama dhe po ja them në sy: Referendumi bëhet në bazë anëtarësisë dhe anëtarësia voton. Nuk e di pyetjen sepse ende nuk është thënë. Ku është ndryshimi mes votimit të një pyetje dhe të 1, 2, 3 apo 4 kandidatë. Po bëjmë një hile për ti ikur garës brenda PS. Të bëjmë zgjedhje, është koha për zgjedhje jo për referendum. Hajde bëjmë zgjedhje për kryetarin e Partisë dhe referendumin për statutin. Kongresi votoi sot statutin në parim dhe nen për nen ta votojë grupi që e ka sjellë këtë statut këtu. Gramoz, ju bëj thirrje. Kthejeni statutin mbrapsh dhe të votohet nen për nen, sado që të shkojë. Ky është privatizim i partisë nga një njeri. Edi Rama nuk është çështje dhe duhet të zgjidhet. Dhe përderisa nuk është çështje, atëherë kjo parti nuk mund të merret peng nga një njeri. Sipas statutit në fuqi, ky kongres përcakton dhe hap datën e zgjedhjeve për kryetarin e PS”. Blushi flet në Kongres: Zgjedhjet janë e vetmja zgjidhje për PSnë Deputeti socialist, Ben Blushi ka mbajtur fjalën e tij në Kongres, ku ka folur gati 15 minuta, për të mundur delegatët që të vendosin për zgjedhje për kreun e PSsë.
