Ndërtesa ku ishin të vendosura zyrat e Al Jazeera dhe Associated Press në Gaza u shemb nga sulmet izraelite. Të shtunën pasdite pronari i ndërtesës mori një telefonatë nga ushtria izraelite se ndërtesa do të goditej.
Jaëad Mehdi, pronari i kullës Jala tha se një oficer i inteligjencës izraelite e paralajmëroi atë se kishte vetëm një orë për të siguruar evakuimin e ndërtesës, raporton agjencia e lajmeve AFP.
Ai i kërkoi më shumë minuta, që gazetarët të merrnin pajisjet e tyre para se të largoheshin. “Na jep 10 minuta shtesë”, kërkoi ai, por oficeri në anën tjetër të telefonit refuzoi. Al-Jazeera, rrjeti i lajmeve i financuar nga qeveria e Katarit, transmetoi sulmet ajrore drejtpërdrejt ndërsa ndërtesa u shemb.
“Ky kanal nuk do të heshtë. Al Jazeera nuk do të heshtet”, tha me emocion prezantuesja angleze e Al Jazeera, Halla Mohieddeen. Korrespondenti i Al Jazeera Safëat al-Kahlout, i cili kishte punuar jashtë këtyre zyrave në Gaza për 11 vjet, tha: ”
“Unë kam mbuluar shumë ngjarje nga kjo ndërtesë. Ne kemi jetuar ngjarje personale dhe profesionale këtu. Për dy sekonda, gjithçka u zhduk”.
