Në dy ditët e fundit në Greqi janë shënuar 134 vdekje dhe 2146 raste të reja, ndërsa numri i pacientëve që janë në intubim ka shkuar në 797.
Mosha mesatare e rasteve të reja është 44 vjeç, ndërsa mosha mesatare e vdekjeve është 78 vjeç.
Dje institucionet e shëndetësisë në Greqi nuk raportuan të dhënat për situatën nga COVID-19 për shkak të Pashkës. Numri i përgjithshëm i rasteve në Greqi ka shkuar në 348568, nga të cilat 51.3% janë burra.
Bazuar në rastet e konfirmuara të 7 ditëve të fundit, 36 konsiderohet se kanë të bëjnë me udhëtime nga jashtë dhe 1253 kanë të bëjnë me një rast tashmë të njohur.
Me 134 fatalitetet e regjistruara në 48 orët e fundit, që nga fillimi i epidemisë në total numri i viktimave ka shkuar në 10587. 95.4% e personave që kanë ndërruar jetë kishin një sëmundje tjetër ose ishin 70 vjeç e lart.
Numri i pacientëve të trajtuar me intubim është 797, prej të cilëve 61.6% janë burra. Mosha mesatare e tyre është 68 vjeç. Sot në Greqi u hapën lokalet dhe restorantet, ndërsa në 14 maj sezoni turistik.
