Gazetari Arian Çani është shprehur për Klan News se pjesëmarrja e ulët në qarkun e Gjirokastrës dhe Vlorës favorizon mazhorancën.
Më tej, ai theksoi se ka informacione që shumë njerëz nuk do të votojnë pasi rreth 1 ose 2 muaj më përpara janë mbledhur karta identiteti.
Sipas Çanit, pritet të ketë incidente në qarkun e Elbasanit, Durrësit, ndoshta në Tiranë dhe Durrës dhe në një qark verior të cili preferoi të mos e përmendë.
Pyetje: Si e shpegoni pjesëmarrjen e ulët në Gjirokastër?
“Kjo favorizon mazhorancën. Dëgjova që edhe Vlora është keq, nuk është më shumë se 25% kam përshtypjen. Këtë informacion kam, nuk e di sa i saktë është. Nuk kam asnjë lloj komenti se përse Gjirokastra apo Vlora janë në pëqindje më të ulëta.
Di që në Vlorë ka një përqëndrim të madh të forcave të ushtrive partiake. Di gjithashtu që janë mbledhur pa fund karta identiteti në të gjithë Shqipërinë, por sidomos në këto vendet që janë të nxehta. Me informacionet që kam nga terreni, shumë njerëz nuk do të kenë mundësi të votojnë këtë të dielë. Janë mbledhur 1 muaj 2 muaj përpara. Nuk e di se sa do të verifikohen këto të dhëna por kjo qetësi nuk më pëlqen shumë. Ky është normalitet ‘fake’. Është një ndjesi kjo, nuk është analizë.
Mendoj që do ketë të tjera inicidente, ndoshta sonte nga darka kur të nisë numërimi, sidomos në Elbasan, Durrës, tek-tuk në Tiranë. Mund të ketë përshkallëzime edhe në ndonjë rreth verior që s’dua ta përmend. Nuk mund të them më shumë se kaq, por edhe në Vlorë ndoshta. Shqipëria nuk voton e lirë edhe në këto zgjedhje”, u shpreh Çani.
