Nga studio e “Top Story” kryeministri Edi Rama paralajmëroi bashkëkryetarin tjetër të koalicionit qeverisës Ilir Metën, se në zgjedhjet e vitit 2017 do të ketë tre bashkëkryetarë. Sipas kreut të maxhorancës, përveç tij do të jetë edhe Meta dhe kreu i PDIU-së, Shpëtim Idrizi.
“Unë dhe Ilir Meta nuk i bëjmë presion njëri-tjetrit. Unë jam shpresëplotë që shqiptarët do të na japin një mandat të dytë qeverisës. Unë parashikoj që pas zgjedhjeve të ardhshme të jemi 3 bashkëkryetarë, duke nënkuptuar Ilir Metën, Shpëtim Idrizin dhe Edi Ramën. Mes meje dhe Metës ka komunikim të vazhdueshëm dhe ndërveprim të të gjitha veprimeve.” theksoi kryeministri Rama në fjalën e tij.
