Në kulmin e fushatës elektorale dhe 7 ditë para zgjedhjeve parlamentare të 25 prillit, Kryeministri Edi Rama ka vënë nën kontroll edhe Komitetin Olimpik Kombëtar Shqiptar.
Deputeti socialist Fidel Ylli është zgjedhur sot President i KOKSH, pas zgjedhjeve që u zhvilluan sot.
Fidel Ylli u zgjodh president i KOKSH me 40 vota, ndërkohë Vojo Malo mori 12 vota, Martin Biba 4 vota, 1 votë doli e pavlefshme.
Një ditë më parë, Andi Lila, kandidat i PD-së për deputet, i bëri thirrje federatave që të shtyjnë zgjedhjet për Presidentin e KOKSH pas 25 prillit dhe të mos lejojnë kapjen e Komitetit Olimpik nga politika.
