Marrëdhënia e politikanëve shqiptar është shumë e sikletshme. Shpesh herë ata hedhin akuza ndaj njëri-tjetrit por harojnë pas përfundimit të një mandate mund të bëjnë koalicion dhe gjithçka që është thë ata e përtypin.
E till është edhe historia e kreytarit të bashkisë së Tiranës Erjon Veliaj me aleatin dhe ish-kundërshtarin e tij Ilir Meta. Veliaj është i njohur për mënyrën sesi ai e ka ndërtuar karrierën e tij politike, vetëm përmes dy aftësive, mashtrimin dhe nënshtrimin.
Kulmimi i tij ishte kur gjatë zgjedhjeve të 2011-ës ai alarmoi të gjithë komuntetin ndërkombëtare (plus Romana Vlahutin që çuditërisht ishte gjithashtu në listën e e-maileve të PS-së) se bashkëshortja shtatzënë e kandidatit për Bashkinë e Kavajës Elvis Rroshi, ishte rrëmbyer nga “njerëz të pushtetit të Sali Berishës”. Një gënjeshtër që filloi e mbaroi brenda 3 orësh, por që mesa duket i dha të kuptohej Veliajt se në një shoqëri që ende beson, t’i mashtrosh ata është gjëja më e vlefshme për të dalë në krye, për të lënë pas edhe luftëtarë të vërtetë socialistë mëse 8 vjeçar që meritonin më shumë dhe iu dha asgjë, por kjo është punë e tyre.
Dhe kshu vijoi për shumë kohë karriera e tij si opozitar duke bërë luanin e propagandës së PS-së në opozitë studio më studio (kujtoni përplasjen e tij me Henri Çilin në SHQIP, kur ky i fundit ulëriste se: Më do trapi të mbroj qeverinë, ndërsa Veliaj i drejtohej administratorit të UET: Po ç’trap more, ti je trap i tëri).
E sa e sa të tjera si këto. PS erdhi në pushtet dhe Erjon Veliaj iu dha një nga ministritë ku Edi Rama bazoi realisht të gjithë fuqinë e demagogjisë përmes fondeve pa fund, për gjoja Reformën e Pensioneve që sot nuk i dihet as dini e as imani, dhe për kompensimin e ish të përndjekurve politikë.
Por a e mbani mend sesi e nisi ditën e parë të punës së tij Erjon Veliaj?
Pasi Renato i tij i medias njoftoi këto të fundit, Erjon Veliaj u shfaq në dyert e spitalit ushtarak me një fëmijë rom në krahë që kishte mesa duket nevojë për ndihëm mjekësore (por jo aq sa për ta dërguar në Spitalin Ushtarak), duke lënë të kuptohet se ata do ishin prioritet i punës së tij. Edhe sikur Veliaj të kishte bërë diçka më shumë se marrja e një fëmijë në krahë për komunitetin rom, ai do të ishte i justifikuar nga neveria që shkaktoi që ditën e parë të punës së tij si ministër.
Për të mos folur për videon e tij të servirur për mediat sesi gjoja Erjon Veliaj ishte rikthyer në punë që ditën e hënë, të dielën pas dasmës përrallore me paratë e pensionit të nënës së tij (të paktën kështu deklaroi ai në News 24 me paturpësinë më të madhe). Por nëse të gjitha këto janë histori për memorien e opinionit publik, ka vetëm një gjë që Erjon Veliaj do kishte dashur të mos e kishte bërë, vetëm një gjë!…
Bëhet fjalë për një status që ai postoi nga nxitimi për të qenë luftëtari i papur në sytë e Edi Ramës, postimi që ai bëri natën kur në Fiks Fare u shfaq video përgjimi Meta-Prifti. “pas Fiksit nuk e di cila pjese ma shpifi me shume…ndoshta fillimi kur Ilir Metea peshtyn gishtat obese si kambist ordiner dhe shfleton si te ishte shuk me lek ate defterin ku ne liste vijonin armo, hec, tec, kryetarja e gjykates se larte, prokuroret, bakshishi 700 euro dhe… pika kryesore “ e kam fol me Saliun” NEVERI!”- shkruante Erjon Veliaj. “Chapeau” për statusin e Veliajt atë natë, le ta pranojmë, por ama sot mashtruesi publik që të gënjen sa herë flet e ndryshoi pllakën që 1 Prill të 2013-ës, se fundja ashtu bëri edhe shefi.
Por deri atëhere, Veliaj ishte edhe një nga drejtuesit e protestës së dhunshme të 21 Janarit ku sëbashku me adjutantin e tij Leart Kola, ngjyrosnin me bojë kokën e një protestuesi për ta shitur sikur ai ishte dhunuar nga policia (ndërsa e vërteta është e mishëruar në videon e mëposhtme).
Po flasim pikërisht për këtë njeri i cili që prej 2013-ës nuk humbet asnjë rast për të rrëmbyër një foto, një buzëqeshje dhe dashtë Zoti edhe një shtrëngim duarsh me Ilir Metën. Por ajo e ditës së sotme ia kalon të gjithave, në një foto që ka bërë xhiron e rrjeteve sociale, Veliaj gati sa nuk ka rënë në gjunjë në momentin kur ka shtrënguar dorën e Ilir Metës, ku qartë duket se i neverituri në këtë rast nuk është ish sekretari i Rinisë në PS, por ai “njeriu me gishtat obezë” që vetëm vite më parë i ngjante Erjon Veliajt si kambist.
P.S. Në një reagim të pas publikimit të videopërgjimit në 11 Janar 2013, Ilir Meta doli në publik dhe artikuloi këto fjalë për Edi Ramën: “Edi Rama, kjo fundërrinë e pashembullt morale e shoqërisë shqiptare…”. Kur e mendon e mirë, a nuk i shkojnë për shtat edhe dikujt tjetër këto fjalë?!…/Syri.net
