Presidenti Ilir Meta, në një konferencë për mediat nga qyteti i Durrësit, i bëri thirrje qytetarëve që të denoncojnë çdo tentativë për manipulimin e votave me zë dhe figurë, në faqen zyrtare të Presidencës. Gjatë konferencës, Meta u pyet në lidhje me deklaratat e ambasadores Yuri Kim për Tom Doshin. Kreu i shtetit, tha se qytetarët kanë shumë mundësi për të zgjedhur se kë do të votojnë.
Meta deklaroi tha se s’ka asnjë arsye që t’i shmanget çështjes më të madhe që ka vendi tani, ndërsa shtoi se kemi një ligj për dekriminalizimin. Meta tha se tashmë e dinë të gjithë se kush kandidoi në krye të bashkive persona me 3-4 emra.
Presidenti i Republikës theksoi se në këto zgjedhje, edhe pse nuk u bë më e mira, përsëri qytetarët kanë mundësi të shumëta për të zgjedhur.
“Jo vetëm kanë mundësi për të zgjedhur, ka edhe kandidatë të pavarur. Por edhe për atë opsion politik ku mendojnë se është më i miri, mund të japin sinjalin për atë që besojnë më shumë. Të votojnë me bindjen e tyre, edhe për kandidatin më me integritet. Të mbrojnë interesin e tyre.”-tha Meta.
LEXO EDHE:
Nisma e Metës: Qytetarët të denoncojnë krimin zgjedhor te faqja e Presidencës
