Policia po heton 3 pista në lidhje me ekzekutimin e Edmond Koçit, njohur ndryshe si Mond Çekiçi, i cili u vra ditën e sotme në qytetin e Durrësit sapo doli nga banesa.
Tre pistat që po heton policia janë prishja e pazareve të drogës, përplasja mes bandave, si dhe atentati që la të vdekur në janar të këtij viti shokun e ngushtë të Çekiçit, shtetasin Ilir Kuçi.
“Ka qenë një atentat i mirëorganizuar. Ka një pikëpyetje si ka mundësi që autorët kanë lënë dëshmitarë? Edmond Çekiçi nuk ka qenë vetëm në momentin e ngjarjes. Personi që ka qenë aty dyshohet të jetë shoferi i tij. Policia ka bërë me dije se janë 3 pista ku po përqëndrohet hetimi: Prishja e pazareve të drogës, përplasja e bandave, si dhe atentati që u bë në janar ku mbeti i vdekur Ilir Kuçi. Të dy këta persona kanë pasur lidhje me njëri-tjetrinm, pasi janë shokë të ngushtë. Autorët kanë humbur gjurmët në të njëjtën mënyrë.
Autorët kanë gjetur një zonë të shkretuar, aty ku ishte vetëm një banesë e braktisur. Rruga ka dy dalje, njëra prej të cilëve në autostradë. Në vendin e ngjarjes ka gëzhoja të mbetura, përveç njollave të gjakut. Në mjetin e djegur policia ka gjetur dhe kallashnikov me të cilin është gjuajtur drejt viktimës së sotme. Autorët nuk kanë qenë të pajisur me maska. Dyshohet se kanë qenë dy autorë, njëri ka drejtuar mjetin, tjetri ka qëlluar,” raporton Faxnews.
Policia dhe Prokuroria e Durrësit kanë “harruar” në rrugë provat materiale të vrasjes së Mond Çekiçit, mëngjesin e sotëm në lagjen nr. 16 të qytetit të Durresit.
