Doktor Dritan Ulqinaku i ftuar në Shqip show në Dritare Tv tha se në Shqipëri dominon varianti anglez i virusit.
Prezenca e variantit të ri të virusit ka sjellë shtim të rasteve të reja e veçanërisht edhe prekjen e të rinjve.
“Nga 50 mostra që dërguam, 70% rezultuan me variantin anglez. Kështu vërtetuam dyshimet sepse kishte diçka që nuk shkonte me numrin e infektuarve, prekjen e të rinjve në raport me muajt e kaluar dhe prekjen e gjithë familjes në një kohë. Sepse në muajt e shkuar kujtojmë që një anëtar i familjes mund të infektohej me Covid, ndërsa tjetri jo. Për shembull bashkëshortja prekej, bashkëshorti jo. Por ky variant i ri ivirusit nuk të lë kohë që familja të ruhet nga anëtari që preket me virus. Edhe në Shqipëri mund të jetë bërë dominant virusi anglez. Për sa i përket numrit të të infektuarve të rinj, është edhe për shkak të shtimit të tamponëve. Nëse më parë nuk kishim mundësi për testime masive, bënim teste vetëm për ata që kishin shenja. Ndërsa sot edhe nëse një person i vetëm ka shenja, tamponi i bëhet të gjithë familjes. Të gjitha moshat preken, edhe me variantin anglez”, tha doktor Ulqinak.
