Sipas medias spanjolle “AS”, mesfushori i Atletico Madrid, Saul Niguez, dëshiron të largohet nga klubi. Atletico ka marrë një ofertë nga Bayern i Mynihut dhe lojtari dëshiron të shkojë te kampionët e Evropës. Të paktën kështu shkruan gazeta iberike e cila ditën e djeshme ka bërë që tifozët e Bajernit të ëndërrojnë.
Klauzola e lirimit të Niguezit nga Madridi është 150 milionë euro, por Atletiko mund të pranonte edhe një ofertë 50- milioneuroshe për ta lënë të lirë lojtarin në fund të sezonit.
Marrëdhënia e mirë mes dy klubeve (çështja “Hernandez”) mund të bënte që ky transferim të kryhej. 26-vjeçari luan si mesfushor qendre dhe në këtë sezon ka shënuar 2 gola në 29 ndeshje me skuadrën spanjolle në të gjitha kompeticionet.
