Kryeministri Edi Rama ka reaguar pas incidentit që ka ndodhur ditën e sotme në Elbasan, ku pas thirrjeve “ik, ik, ik” të një grupi qytetarësh, simpatizantë të Rilindjes dhe roje të Kreut të Qeverisë, reaguan dhunshëm.
“Tash 20 vjet që vij në ditën e verës në Elbasan, s’kisha parë një turmë ulëritëse me flamuj partie, si ai automobili zhurmues i filmit “Koncert në vitin 36”! Dukeshin si 100 kopje të Ilir Metës, ndërsa Luli kishte parkuar makinën në korsinë e bicikletave e ishte fshehur mes tyre!
Kjo shfaqje vulgare është një tjetër shembull i degradimit të një opozite demode, e cila ka në krye një kukull në duart e Saliut&Ilirit, që duan sherr e përçarje, për të marrë peng Shqipërinë e drejtësinë!Keqardhje e madhe për #PD e kthye në vegël e dy hallexhinjve të drejtësisë”, shkruan Rama në Twitter.
