Në Itali janë regjistruar 26,062 raste të reja me Covid-19 nga 372,944 teste të kryera, ndërsa 317 persona kanë humbur jetën në 24 orët e fundit.
Shkalla e pozitivitetit, sipas të dhënave të publikuara nga autoritetet shëndetësore në vend, është 6.98%,pak më e ulët se një ditë më parë (7.2%). Me ata që ndërruan jetë sot, bilanci total i viktimave shkon në 101,881 kurse të shëruarit janë 14,970.
Numri total i të infektuarve, që nga fillimi i pandemisë e deri më tani në Itali rezulton të jetë 3,201,838.
