Janë mbyllur pjesët e para të katër takimeve të orës 18:55 të vlefshme për fazën e 1/8-ve të Europa League.
Supersfida e mbrëmjes Man.United-Milan mbetet e mbërthyer në rezultatin 0-0. Një 45 minutësh i parë i ekuilibruar mes ekipeve ndërsa momenti më i përfolur është ai i minutës së 11-të aty ku VAR-i i anuloi një gol skuadrës së Piolit. Pas pamjeve të përsëritura u vu re se Kessie kishte prekur topin me dorë duke e bërë golin të pavlefshëm.
Në takimet e tjera, Villareal kryeson 0-1 në transfertë kundër Dynamo Kiev ndërsa Slavia Prague-Rangers ndodhet në barazim 1-1.
Në barazim është mbyllur edhe pjesa e parë mes Ajaksit dhe Young Boys teksa rrjetat vijojnë të jenë të paprekura.
