Skuadra e Partizanit ka nisur stërvitjet në prag të derbit të kryeqytetit ndaj Tiranës. Në kampin e kuq ka edhe një lajm shumë të mirë. Sulmuesi kryesor i skuadrës, Stenio Junior, ka lënë pas dëmtimin dhe është rikthyer të stërvitet me skuadrën.
Braziliani ka munguar në tri ndeshjet e fundit për të kuqtë dhe duke parë edhe rezultatet mund të thuhet që Partizani e ka vuajtur mungesën e tij. Si rrallëherë këtë sezon, Partizani nuk do të ketë asnjë futbollist të pezulluar për kartonë.
Të kuqtë kanë qenë një ndër ekipet më “Fair Play” këtë edicion në Superiore, por kartonët kanë qenë disi problem. Megjithatë, për sfidën ndaj Tiranës, nuk do të ketë asnjë lojtar të pezulluar. Të vetmit futbollistë që janë në kuotën e tre kartonëve të verdhë janë Esat Mala, Egzon Belica dhe Jurgen Bardhi.
Formacioni i mundshëm: 4-3-3: Hoxha; Mala, Bitri, Belica, Hakaj, Murataj, Broja, Bardhi, Asani, Junior, Cinari
