Një 65 vjeçar mbeti i plagosur mbrëmjen e sotme si pasojë e një aksidenti rrugor. Sipas policisë, aksidenti ka ndodhur në autostradën Durrës-Tiranë, ku një mjet tip “Volvo” kamion ka aksidentuar një 65-vjeçar, i cili po qarkullonte me biçikletë.
“Më datë 05.03.2021, në orën 21:20, në autostradën Durrës-Tiranë, shtetasi F. T., duke drejtuar mjetin tip “Volvo”, kamion, ka aksidentuar biçiklistin, një shtetas ende të paidentifikuar rreth 65 vjeç, i cili ndodhet nën kujdesin e mjekëve.
Drejtuesi i mjetit shtetasi F. T., është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit”, tha policia.
