Kryetarja e LSI-së, Monika Kryemadhi, ka bërë të ditur përmes rrjeteve sociale se ka dërguar në Prokurorinë e Posaçme Antikorrupsion dosjen për çështjen e inceneratorit të Tiranës.
Kryemadhi shprehet se provat janë në dispozicion të drejtësisë dhe është koha që SPAK të tregojë veten.
“SPAK i ka gati dhe në dispozicion provat. Tani është koha që drejtësia të tregojë veten dhe të japë drejtësi në interes të qytetarëve shqiptarë”,- shkruan Kryemadhi në mesazhin e saj në rrjetet sociale.
Një ditë më parë, Kryemadhi denoncoi atë që e konsideronte afera më e madhe korruptive e 100 viteve të shtetit shqiptar, ndërsa akuzoi Kryeministrin Edi Rama, Sekretarin e Përgjithshëm të Këshillit të Ministrave Engjëll Agaçi dhe kryebashkiakun Erion Veliaj.
Kryemadhi tha se Veliajka paguar 22 mln euro lidhur me inceneratorin në një kohë kur nuk ishte miratuar leja për ngritjen e tij.
