34-vjecari Nelgert Pata që u ekzekutua dje në Fier, ishte një emër i njohur për policinë për shkak të kaluarës së tij dhe dënimit të mëparshëm për prostitucion. Pata i kishte shpëtuar edhe një atentati në muajin gusht. Por ai ishte edhe i afërmi i një prej ish-drejtuesve të Policisë së Shtetit.
Sipas burimeve nga policia Nelgert Pata ishte nipi i ish-kreut të Forcave Operacionale në Policinë e Shtetit, Albert Pata, i larguar nga detyra pas akuzave nga opozita si i lodhur me trafikun e drogës. Ndërsa si 34-vjecari edhe ish-shefi i Policisë janë nga Tepelena.
Albert Pata aktualisht mban detyrën e specialistit në Drejtorinë e Përgjithshme të Kufirit. Lidhja me policinë e shtetit tregon edhe pse viktima Nelbert Pata ishte dënuar me 31 vite burg për shfrytëzim prostitucioni, pas denoncimit të një femre, të cilën e kishte nxjerrë në rrugë si prostitutë në Norvegji, vazhdonte të lëvizte i lirë.
Pata njihej si mik i Jani Aliajt, i cili është në kërkim për vrasjen e Elton Cicos në maj të këtij viti. Mes Aliajt dhe Cicos ka një histori të gjatë hakmarrjesh dhe atentatesh.
