Policia e Tiranës ka ndërmarrë një sërë aksionesh në fundjavë duke ushtruar kontrolle edhe në lokale me striptistë.
Pas arrestimit të 7 personave për drejtim të makinës në gjendje të dehur, apo aksidente, policia ka vënë në pranga edhe 11 persona të tjerë të cilët akuzohen për vepra penale të ndryshme.
Kështu, 11 persona janë kapur në flagrancë dhe në gjendje të lirë po hetohen disa të tjerë,
Oficerët e antidrogës kanë arrestuar 5 persona:
– Arif Kostenja, 35 vjeç, banues në Tiranë.
– Erjon Rrodhe, 32 vjeç, banues në Tiranë, i dënuar më parë.
– Hamdi Dërvishi, 21 vjeç, banues në Tiranë
– Elton Çeliku, 27 vjeç, banues në Tiranë
– Fatos Rama, 25 vjeç, banues në Tiranë
Gjatë kontrollit të territorit në vende të ndryshme të juridiksionit të Policisë Tiranë,si dhe lokalet e qytetit këtyre shtetasve u janë konstatuar lëndë të dyshuar narkotike të llojit kokainë dhe kanabis sativa.
Janë sekuestruar në cilësinë e provës materiale”
– 2 doza me lëndë të dyshuar narkotike të llojt “Kokainë”
– 10 doza me lëndë të dyshuar narkotike të llojt “Cannabis Sattiva”
Referuar materialet për veprën penale, “Prodhim dhe shitje të lëndëve narkotike”, parashikuar nga Neni 283 i Kodit Penal.
Oficerët e trafiqeve të paligjshme kanë prangosur dy persona e një i tretë është në kërkim.
Xhonatan Terpollari, 21 vjeç, banues në Tiranë. ( Neni 128/b)
Florian Bregu, 36 vjeç, banues në Tiranë. (Neni 115).
Si dhe po punohet për kapjen e shtetasit:
-L. B., banues në Tiranë
Nga kontrolli të ushtruar në Night Club u konstatuan 3 vajza të cilat ishin punësuar si balerina.
Nga verifikimet e kryera rezultoi se njëra prej balerinave më konkretisht, M. D., 16 vjeçe, banuese në Durrës, dyshohet të jetë rekrutuar nga shtetasi Xhonatan Terpollari që prej muajit Korrik të këtij viti dhe shfrytëzohej për prostitucion duke i siguruar klientët në ambientin e clubi.
Ambientet e këtij clubi ishin vënë në dispozicion të veprimtarisë së prostitucionit, ku njëri prej aksionerëve Florian Bregu dyshohet të ketë nxitur dhe ndërmjetësuar që vajzat të kryejnë prostitucion.
Po kështu është dokumentuar se në të njëjtën veprimtari kriminale është përfshirë dhe ortaku i tij shtetasi L. B, i cili është shpallur në kërkim.
Sektori i Krimit Ekonomik-Financiar, ka ushtruar kontroll i cili ka konsistuar në korrektësinë e lëshimin të kuponit tatimor gjatë shitjeve të produkteve si dhe në verifikimin e punonjësve të siguruar ose jo të cilët janë punësuar në këto lokale.
Si rezultat u proçeduan në gjendje të lirë 12 subjekte për veprën penale të “Fshehjes se të ardhurave”.
Gjithashtu janë arrestuar nga Komisariatet për vepra të ndryshme penale, 4 persona:
Roland Topi, 29 vjeç, banues në Tiranë, i dënuar më parë
Qerim Shoshari, 60 vjeç, banues në Tiranë, i dënuar më parë
Griseldo Lajmeri, 18 vjeç, banues në Tiranë
Shaqe B., 40 vjeçe, banuese në Tiranë
