Gjiganti gjerman i automobilave, “Mercedes-Benz” prezanton në Sallonin e Los Anxhelos 2016 modelin e tij më luksoz “Mercedes-Maybach S 650 Cabriolet”.
Ashtu sikurse ka ndodhur me modelin “Classe S Berlina”, marka “Maybach” është shndërruar në sinonim të mobeleve më luksoze të markës gjermane, por me “S 650 Cabriolet” është bërë një hap më shumë, duke krijuar një seri të limituar prej vetëm 300 ekzemplarësh, nga të cilat 75 i janë dedikuar tregut amerikan. Kjo veturë do të shitet rreth 300 000 euro, pa përfshirë taksat.
Kjo veturë super luksoze do të ketë një motor V12 biturbo që çliron 630 kuaj fuqi dhe ka një forcë tërheqëse prej 1 000 njuton për metër.
Nëse në pamjen e jashtme nuk gjejmë shumë ndryshme është në pjesën e brendshme që janë përqëndruar sforcimet më të mëdha. Kur sapo hyn vërhet logoja “Maybach” tek pragu i derës që projektohet edhe në rrugë ndërsa lëkura ekskluzive vesh gati çdo cep, me qepjen në formë diamanti. Pjesa e kruskotit mund të porositet edhe e veshur me dru që ngjason me veshjet tipike të jahteve të luksit.
Ky model do të jetë i pajisur edhe me një set valixhesh të kombinuara me pjesën e brendshme dhe një mbajtëse çelësash eksluzive. Pronari i “S 650 Cabriolet” në fund do të marrë edhe një çertifikatë autenticiteti të firmosur nga vetë Dieter Zetsche, drejtori i përgjithshëm i “Daimler”.
