Pasi Komiteti Teknik i Ekspertëve bëri me dije se masat kufizuese vijojnë të jetë të njëjta, në një konferencë për mediat nga selia e LSI-së, nënkryetari Petrit Vasili, i cilësoi si masa elektorale.
Vasili bëri të ditur se Shqipëria për shkak të keqqeverisjes dhe të një kryeministri të paaftë e të pashpirt, ka aplikuar vetëm shtrëngime pa asnjë kuptim, pa asnjë vlerë, faktet e të cilave flasin vetë.
“Qeveria raporton se situata është nën kontroll, një shprehje e çmendur që po dëmton shqiptarët në mënyrë katastrofike, Shqipëria shënon në shtatë ditët e fundit mesataren javore më të lartë të vdekjeve, 16.5 vdekje në ditë, sipas vdekjeve të deklaruara nga qeveria, kur dihet më së miri që edhe këtu ka një problem shumë të madh serioz midis raportimit të tyre. Vetëm dje ka pasur 19 vdekje dhe mbi 1 mijë të infektuar të rinj, të deklaruar. Të infektuarit e vërtetë janë shumë më tepër”, tha Vasili.
Nënkryetari i LSI-së pohoi se vetëm për interesa politike dhe elektorale të Ramës shqiptarët sot janë në mjerim, në një fatkeqësi shëndetësore dhe ekonomike.
“Presioni ynë do të jetë i përditshëm për të shërbyer me sa të mundemi jetës së shqiptarëve dhe shpëtimit me sa të mundemi nëpërmjet këtij presioni politik dhe të atyre plagëve ekonomike shumë të thella që po krijohen në mënyrë të përditshme”, tha ai.
Vasili shtoi se qytetarët nuk kanë nevojë për fjalë boshe, si ato që dëgjuan, dhe njëkohësisht nuk kanë nevojë më për masa shtrënguese apo kufizime qartësisht politike dhe elektorale.
“Shqipëria është një vend ku shifrat e pandemisë kanë njohur vetëm rritje dhe nuk kanë pasur kurrë, ashtu sikurse gjithë vendet e tjera, të cilat kanë marrë masa të zgjuara, shkencore, të koordinuara, pra jo vetëm mbyllje, por të gjithë masat e tjera, bazuar në trinomin testim-gjurmim-trajtim dhe masa të tjera suplementare shumë të rëndësishme, të cilat kanë dhënë efekt. E kundërta ka ndodhur në Shqipëri, sepse Shqipëria për shkak të qeverisjes dhe për shkak të një kryeministri të paaftë e të pashpirt, ka aplikuar vetëm shtrëngime pa asnjë kuptim, pa asnjë vlerë, faktet e të cilave flasin vetë. Ndërkohë që qeveria raporton se situata është nën kontroll, një shprehje e çmendur që po dëmton shqiptarët në mënyrë katastrofike, Shqipëria shënon në shtatë ditët e fundit mesataren javore më të lartë të vdekjeve, 16.5 vdekje në ditë, sipas vdekjeve të deklaruara nga qeveria, kur dihet më së miri që edhe këtu ka një problem shumë të madh serioz midis raportimit të tyre. Vetëm dje ka pasur 19 vdekje dhe mbi 1 mijë të infektuar të rinj, të deklaruar. Të infektuarit e vërtetë janë shumë më tepër”, tha Vasili.
