Andrea Cossu, ish-fantazisti i skuadrës së Cagliari, ka pësuar një aksident të frikshëm në autostradën 554 në zonën e Selargius, në Sardenjë.
Mediat në Itali raportojnë se ai ëshët transportuar me urgjencë në spital dhe gjendja e tij shëndetësore është e rëndë. Makina me të cilën udhëtonte tregon edhe aksidentin e rëndë që Cossu ka bërë.
40-vjeçari italian ka luajtur në Serie A edhe me skuadrën e Verona, ndërkohë që pjesën më të madhe të karrierës e ka kaluar te Cagliari, ku e mbylli karrierën në vitin 2018. Cossu ka qenë edhe pjesë e kombëtares së Italisë në dy ndeshje.
