Kryeministri Edi Rama dhe drejtuesi politik i PS për Qarkun e Vlorës, Damian Gjiknuri, akuzuan Presidentin Ilir Meta se po shpërdoron institucionin e Presidentit.
Gjatë takimit me qytetarë në Vlorë, në kuadrin e zgjedhjeve të 25 prillit, Rama tha se Institucioni i Presidentit është uniteti kombëtar, ndërsa Ilir Meta po përçan shqiptarët.
Rama tha se Meta përdori një rrugë për të përçarë shqiptarët, duke shtuar se ai ka kohë që nuk është më President. Madje sipas Kryeministrit, ish-Presidenti Bujar Nishani, është treguar shumë më korrekt se Ilir Meta në detyrën e Kreut të Shtetit.
Në të njëjtën linjë ka qenë edhe Gjiknuri, sipas të cilit disa u përpoqën ta kthenin në luftë krahinore, projektin e rrugës.
“Ne i kemi paratë edhe për Orikumin edhe për Selenicën.
Meqenëse çështja u kthye në publike unë kërkoj publikisht ta ftoj edhe Presidentin e Republikës të mos vijnë më fshehurazi në Vlorë por të vijë në inaugurim. Nëse nuk vjen turpin e paç për vete. Ti vjen vetëm për politikë dhe për të përçarë”, tha ai.
