Duket se David Alaba nuk do të jetë i larguari i vetëm në repartin e mbrojtës së Bayern Munchen në fund të sezonit. Sipas raportimeve të fundit nga mediat gjermane, është edhe Niklas Sule, ai i cili do të lërë “Allianz Arenan” për të provuar një aventurë të re.
Në Gjermani përflitet se qendërmbrojtësi do të largohet drejt Anglisë, ku e pret Chelsea dhe Tomas Tuchel. Trajneri i ri i Bluve të Londrës e pëlqen shumë Sulen dhe e sheh si përforcimin ideal për qendrën e mbrojtjes së ekipit të tij.
Kartoni i Sule vlerësohet rreth 40 milionë euro. 25-vjeçari është pjesë e Bayernit prej 4 vitesh, kohë kur u ble nga Hoffenheim për 20 milionë euro.
