Përkeqësimi i shëndetit të një 58-vjeçari në ishullin Kos në Greqi, i cili nuk duket se kishte pasur ndonjë sëmundje themelore dhe më në fund humbi jetën nga koronavirusi një mëngjes, pa arritur të bënte intubim, ishte shumë i shpejtë, tha Shefi i Spitalit të Përgjithshëm të ishullit Kos, Stamatis Vassiliadis.
Gruaja e të ndjerit gjithashtu u ekzaminua dhe rezultoi e infektuar. Gjithashtu edhe një anëtar tjetër i familjes së tij, u gjet se ishte pozitiv për virusin.
Shefi i spitalit grek shprehu pikëpamjen se udhëtimet duhet të jenë sa më kufizuara dhe që të gjithë duhet të respektojnë masat e përcaktuara shëndetësore, në situatën e vështirë që po kalohet, pasi ky qytetar grek sapo ishte kthyer kohët e fundit nga një udhëtim në Shqipëri.
