Partia Demokratike i është përgjigjur Kryeministrit Edi Rama, pas publikimit nga ky i fundit të disa fotove, ku krahasonte gjendjen e shëndetësisë në 2013 me atë aktuale.
Në reagimin e saj, PD thekson se me paratë e PPP-ve që ka shpenzuar Rama për miqtë e tij do ndërtoheshin spitale.
“Ramës si bëhet vonë për shqiptarët
Me paratë që ka shpenzuar për check up korruptiv, pagesa për analiza fiktive dhe të pakryera, Edi Rama do kishte rikonstruktuar të gjitha spitalet në vend, do kishte paguar shifrat prej miliona lekësh që paguan shqiptarët për tu trajtuar nga covid 19.
Por Ramës nuk i bëhet vonë për shqiptarët. Rama e do mandatin e tretë që të vazhdojë të çojë paratë te ortakët e tij. Shqiptarët nuk mund të pranojnë më një kryemistër që punon për veten e tij. Me 25 prill fiton Shqipëria, humbet Rama”, thuhet në reagimin e PD.
