Ish-kreu i ekzekutivit, Sali Berisha, në një prononcim për mediat pas daljes së opozitës nga Kuvendi, tha se pa u votuar Byroja e Hetimit nuk duhet të ndërmerret asnjë hap.
“Nuk do të bëja një hap pa votuar Byronë. Të votojmë Byronë, ta votojmë ligjin vertikal e ngremë. Të tregohemi generosë, këtë që varet nga Prokuroria, pjesërisht dhe tjetra të ngremë një institucion kushtetues të pavarur. Kjo është prova”, -ishte qëndrimi i ish-kryeministrit.
Berisha tha se Rama është i lirë të zgjedhë mes dy variantesh për varësinë e Byrosë. “Zoti Rama nuk mashtron dot më”, tha Berisha. “Çdo ditë i kam bërë thirrje të votojë premtimin e tij elektoral, Byronë Kombëtare të Hetimit sipas kritereve të Venecias. Nëse zoti Rama…se i ka hyrë lepuri në bark. E di si është shndërruar byroja, ferr dhe tmerr…, mendon se BKH do ketë gjahun e parë Edi Ramën. Kujton se po përdoret si instrument për ta rrëzuar. Ai është i rrëzuar në fakt. Njeri që e ka futur veten në krime monstruoze. Doni institucion kushtetues tërësisht të pavarur, ne jemi gati. Ne më parë ja japim Emil Shullazit se Edvin Shullazit”, tha Berisha.
Sipas ish-kryeministrit “prova e ndershmërisë e sinqeritetit dhe jo e hipokrizisë është të votojmë’.
