Deputetë të opozitës kanë rrethuar ministrin e Shëndetësisë, Ilir Beqaj në foltore, teksa ky i fundit do merrte fjalën në seancën e sotme në Kuvendin e Shqipërisë, kurse kreu i grupit të PD¬së, Paloka e ka goditur me grusht.
Incidenti i sotem ne Kuvend Nënkryetarja e Kuvendit i ka ftuar të ulen nëpër vende, por ata i janë afruar në foltore, duke moe e lënë të merrte fjalën. Kreu i grupit të PD-së, Paloka ka shtyrë ministrin Beqaj, e më pas si duket edhe në video, e ka goditur atë me grusht. Pasi sipas tij, fjalën duhet ta merrte ish¬kryeministri Berisha dhe jo ai. Incidenti ndodhi sapo Leskaj njoftoi se në sallë ishte një delegacion francez që po ndiqte seancën.
Balla: E goditi me grusht, të mblidhet Byroja Deputeti i PS-së, Taulant Balla e quajti incident tepër të rëndë atë që ndodhi në sallën e Kuvendit, ku sipas tij, kreu i grupit të PD¬së, goditi me grusht ministrin e Shëndetësisë. “Kreu i grupit të PD-së, godet me grusht ministrin e Qeverisë, e kanë parë sytë e shqiptarëve, e kanë filmuar kamerat këtë incident të rëndë, po depozitojmë kërkesën e një grupi deputetësh të PS drejtuar Byrosë së Kuvendit dhe i kërkojmë Byrosë të mblidhet urgjent të shqyrtojë këtë rast, e paimagjinueshme që në seancën plenare kreu i grupit të PD godet me grusht qoftë një ministër apo deputet’”¬ tha ai.
