Kryetarja e LSI-së, Monika Kryemadhi, ka reaguar ashpër ndaj fushatës së gjobave politike, sipas saj, që Edi Rama ka urdhëruar ndaj anëtarëve të LSI dhe opozitës. Kryemadhi u shpreh se çfarëdo që të bëjë Edi Rama dhe pushteti i tij, LSI nuk do të tërhiqet pas nga beteja e saj kundër kësaj qeverie kriminale.
“Monikën nuk e ndalon plumbi dhe jo më gjobat e Ramës. LSI do shtohet dhe po shtohet çdo ditë. Rama është një kufomë e pakallur. Të ketë kujdes se kokaina që i vjen nga Elbasani nuk është aq e pastër. LSI do të rritet dhe Rama të ketë kujdes se nuk do t’i bëjnë derman as bombolat e oksigjenit të Ndragetës dhe as të Lali Erit”,- tha kryetarja e LSI.
Kryemadhi shtoi se, “nga Kavaja e lirisë dhe demokracisë po e bëj të qartë, se ka marrë fund koha jote Edi Rama. Jo Rama dhe Taulant Balla, por edhe Enver Hoxha të ngjallet unë nuk tërhiqem”.
