Është mbyllur në barazim 3-3 ndeshja e javës së 21-të të Serie A mes Atalanta-s dhe Torino-s.
Një rezultat i çmendur, duke parë se zikaltrit kanë qenë në avantazh 3-0 pas 21 minutave të para të ndeshjes falë golave të Ilicic (14′), Gosens (19′) dhe Muriel (21′).
Demat janë kundërpërgjigjur në fundin e pjesës së parë me Belotti-n (42′) dhe Bremer (45+1′). Në fundin e pjesës së dytë ka ardhur edhe goli i barazimit për miqtë me Bonazzoli-n (84′), i cili ka shënuar tri minuta pas futjes në fushë.
