Partizani ka arritur një fitore tepër të rëndësishme në transfertë kundër Bylisit. “Demat” triumfuan me rezultatin 1-2 teksa të tre golat u shënuan në pjesën e dytë.
Rezultati u zhbllokua në minutën e 55-të me anë të Erald Çinarit. Sulmuesi mori një penallti duke u tregua i saktë dhe e çoi topin në rrjetë. Në minutën e 73-të, vendasit mbetën me 10-të lojtarë. Arbitri Jorgji ndëshkon me karton të kuq Ymeralilajn, pas një përplasje të këtij të fundit me Esin Hakajn.
Nga ky moment përfitoi Partizani të cilët shënuan golin e sigurisë në minutën e 80-të. Tedi Cara shënon një gol mjaft të bukur i dribluar të gjithë që i dolën para në zonë, për ta dërguar topin në fundin e rrjetës.
Skuadra ballshiote do të shkurtonte diferencat në minutën e 87-të me një gol të shënuar nga Carkanji por që në fund rezultoi për statistikë.
Me këtë fitore, Partizani, ngjitet në vendin e dytë në kuotën e 31-pikëve, 6 më pak se kryesuesit e Vllaznisë.
Në këtë mënyrë, skuadra e Dajës shfrytëzon në maksimum humbjen e shkodranëve përballë Laçit duke u futur zyrtarisht në garën për titullin kampion.
https://streamable.com/t1j0mf
https://streamable.com/c8la4g
