Gazetari Aulon Kalaj gjatë një interviste të dhënë për Fax News foli mbi nisjen e hetimeve të përgjimeve mbi dosjen Ndrangheta dhe e ka cilësuar si një veprim të vonuar nga ana e SPAK-ut.
Kalaja tha se arsyeja që vazhduan hetimet ka të bëjë mbi presionin që ka ushtruar Ambasada Amerikane, hetimi i cili duhet të kishte vazhduar që në momentin kur u shpall skandali.
Sipas tij priten të tjera përgjime të cilat implikojnë kryetarin e bashkisë së Tiranës Erion Veliaj, te cilit iu referua si “velina e bashkise” së bashku me kabinetin e kryeministrit Rama.
“Do të duhej më herët të nisnin hetimet për këtë dosje.Kemi të bëjmë me krim të organizuar ekonomik nuk mund të themi korrupsion sepse korrupsioni është term komun pra i përket komunizmit. Në demokraci thuhet krim i organizuar ekonomik që do të thotë zyrtarë të lartë të shtetit shqiptarë përkatësisht nga qeveria dalin emra si kryetari i bashkisë së Tiranës, kryetari i emëruar i bashkisë së Tiranës sepse nuk janë bërë zgjedhje në 2019 dhe do të vazhdoj ta them këtë sepse në demokraci ka vlerë vota ka vlerë zgjedhja dhe jo votimi.
Është një veprim i vonuar, por një këmban alarmi që do të ketë zhvillime në Shqipëri, këto ditë nuk do të jenë më të qeta për kryetarin e bashkisë së Tiranës, për drejtorin e policisë së shtetit i cili deri para pak kohësh shërbente në një post tjetër.
Presioni i ushtruara nga Ambasada Amerikane për të nisur hetimet për këtë çështje absolutisht që prevaloi mbi çdo dëshirë të kryeminstrit Rama që po e mban në këtë momente SPAK-un mbrapsht që i bie të jetë kaps.
Kemi një luftë të hapur tanimë midis kryeminstrit të Shqipërisë i cili po djeg një agjendë personale dhe shteteve të BE që do të thotë kryeminstri ka marrë fatin e vetë peng po ndjek një agjendë personale është futur në një labirint, është futur në një konflikt personal të sponsorizuar nga palë të treta lindore dhe ne shqiptarët vuajmë këto pasoja.
Vullneti i SHBA për të vënë në lëvizje SPAK-un e cila nuk u vendos në lëvizje këtu e dy javë të shkuara kur u shpall skandali dhe sot nisi hetimet. Është një këmbanë e mirë alarmi sepse do të kemi surpriza të tjera.
Soreca i cili kryeson zyrën e BE në Shqipëri është ambasador i BE më herët ka qenë prokuror i anti-mafias italiane. Priten të tjera përgjime, priten të tjera skandale që implikojnë drejtëpërdrejtë jo vetëm këtë velinën e bashkisë, kryetarin e emëruar të komitetit ekzekutiv, por edhe enturazhin e afërt të z.Edi Rama i cili në këto momente nuk e di se çfarë të bëjë“- u shpreh Kalaja.
