Pak ditë më pare, kudo në rrjet u përfol se Rita Ora dhe i dashuri i saj, Romain Gavras, nuk po u ecën mire në lidhjen e tyre. Thuhej se shkak ishte bërë pandemia, që po e mban çiftin larg nga njëri-tjetrit.
Daily Mail raportoi se Rita dhe Romain po kalojnë një krizë në çift dhe shkak është bërë pandemia dhe thyerja e rregullave nga ana e këngëtares.
Mirëpo Romain i ka hedhur të gjitha thashethemet poshtë dhe ka treguar se mes tij dhe Ritës gjërat po ecin më së miri. Ai ka treguar për “MailOnline” se ata janë ende shumë të afërt, edhe pse Rita është në cepin tjetër të botës, Australi, për shkak të angazhimeve me spektaklin “The Voice”.
“Rita dhe unë jemi shumë të afërt. Ajo është një person i mrekullueshëm”, ka thënë Romain. Më pas ai ka kryqëzuar krahët si të ishte duke përqafuar këngëtaren dhe ka shtuar: “Ne jemi kështu. Jemi shumë të afërt”.
