Nënkryetari i Lëvizjes Socialiste për Integrim, Petrit Vasili, ka reaguar me anë të një postimi në rrjetin social në lidhje me thirrjen e Shteteve të Bashkuara të Amerikës përsa i përket pastërtisë së listave të kandidatëve për deputetë për zgjedhjet e 25 prillit.
Sipas Vasilit, këto sugjerime e shëndoshin politikën dhe Parlamentin, ndërsa refuzimi i tyre nga ana e Edi Ramës e infekton politikën dhe Parlamentin me kriminelë, trafikantë dhe të korruptuar.
Njëherazi Vasili bën thirrje që shqiptarët të dëgjojnë SHBA dhe të refuzojnë Edi Ramën dhe Rilindjen.
Postimi i Petrit Vasilit
Sugjerimet e SHBA për pastërtinë e listave të kandidatëve e shëndoshin politikën dhe Parlamentin, ndërsa refuzimi i tyre nga ana e Edi Ramës e infekton politikën dhe Parlamentin me kriminelë, trafikantë dhe të korruptuar.
Shqiptarët duan vetëm politikanë e deputetë të pastër.
Të dëgjojmë SHBA dhe të refuzojmë Ramën!
