Dy shqiptarët e arrestuar në Selanik, njëri prej të cilëve me pasaportë greke, në kuadër të një operacioni antidrogë ku u sekuestruan 324 kg kokainë, ishin emra të njohur në fushën e hoteleri-turizmit në Rodos. Kjo të paktën raportohet nga mediat greke, që kanë zbuluar të tjera detaje.
Në operacionin e drejtuar nga Prokuroria e Selanikut dhe DEA amerikane, u arrestuan 3 persona, që cilësohen si koka e grupit, 2 nga të cilët janë shqiptarë, njëri me pasaportë greke, ndërsa tjetri është kroat.
Ndërkohë që në kërkim është një tjetër kroat, i cili u hodh nga ballkoni 10-15 metra duke shpëtuar nga duart e policisë greke.
Shqiptarët dyshohet se drejtonin rrjetin e trafikut, ndërsa pavarësisht se kokaina u sekuestrua në Selanik, bazën e kishin në Athinë, ku më pas droga shpërndahej në ishujt grekë.
Mediat greke raportojnë se ka dyshime se një dërgesë e dytë nga Amerika Latine me kokainë pas asaj mbi 300 kg.
