Kreu i opozitës Lulzim Basha, ka reagaur mjaft ashpër pas vendimit të fundit të qeverisë, e cila ka çuar në parlament propozimin për për zgjatjen e afatit të koncesionit të aeroportit ‘Nënë Tereza’.
Ditën e sotme qeveria ka propozuar për shtyrje të afatit të konçensionit nga 25 në 38 vite. Në reagimin e tij Basha shkruan se zgjatje koncesioni i propozuar nga qeveria ne ikje, është në shkelje flagrante të ligjeve të vendit.
Ai thekson se menjëherë sapo opozita të vijë në pushtet Aeroporti Ndërkombëtar “Nënë Tereza” do tu kthehet shqiptarëve dhe shtetit të tyre sipas përcaktimeve fillestare të kontratës koncesionare.
Postimi i Bashës:
Çdo akt koncesioni, PPP apo zgjatje koncesioni i propozuar nga qeveria ne ikje, është në shkelje flagrante të ligjeve të vendit.
Zotohem para çdo shqiptari se unë dhe qeveria ime nuk do të njohim asnjë akt të tillë dhe do ta zhbëjmë atë.
Aeroporti Ndërkombëtar “Nënë Tereza” do tu kthehet shqiptarëve dhe shtetit të tyre sipas përcaktimeve fillestare të kontratës koncesionare. Shqipëria do t’u kthehet shqiptarëve! #ShqipëriaFiton
