Sekretari i Përgjithshëm i PD, Gazment Bardhi, iu përgjigj Kryeministrit Edi Rama, i cili ka ironizuar programin e PD, duke e krahasuar me premtimin e Lulzim Bashës në vitin 2011 për ndërtimin e Tramvajit të Tiranës.
“Rama qetësohu. Ky është vetëm fillimi.
E dimë se ti nuk je mësuar të përballesh kurrë me angazhime serioze që do të mbahen e nuk do të shkelen.
Pas 8 vitesh këtë e dinë shumë mirë të gjithë shqiptarët ndaj do të të largojnë më 25 prill”, shkruan Bardhi në reagimin e tij.
E ndërsa Rama zgjodhi të ironizojë programin e paraqitur nga PD, vetë socialistë nuk kanë paraqitur asnjë program lidhur me zgjedhjet e 25 prillit.
