Rreth 500 persona dyshohet se janë kaluar në Gjermani, duke paguar shuma prej 600 eurosh secili, nga katër pronarët e agjensisë së udhëtimit.
Ergys Vejseli, Gentiana Konini, Klotida Çela dhe Petrit Cara, të katërt banues në Tiranë, akuzohet se kanë falsifikuar jo vetëm përgjigjet e testit për Covid, por edhe kontratat e punësimit.
Nga raportimet mësohet se ata i kalonin këta klientët e tyre nga Shqipëria me autobusë për në Hungari dhe më pas në Gjermani.
Hetimi për ta ka nisur prej një muaji ndërsa veprimtarinë dyshohet se e kanë filluar që nga muaji shtator.
Pak ditë më parë në Gjermani është kapur edhe një furgon me shqiptarë që ishin çuar nga agjencia. Katër pronarët merrnin nga 600 euro për person, duke shmangur detyrimet tatimore.
Ata akuzohen për mashtrim, falsifikim dokumentesh, fshehje të të ardhurave dhe mospagim taksash e tatimesh.
