Janë mbyllur 45 minutat e para të dy sfidave të vlefshme për javën e 16-të të Kategorisë Superiore.
Kukësi-Bylis e cila luhet në “Elbasan Arena” është mbyllur në barazim 1-1 teksa të parët që kaluan në avantazh ishin miqtë. Në minutën e 26-të, Stojanoviç, përfiton nga një top i mbetur në zonën e verilindorëve, gjuan fort me të majtën për ta ndalur në fundin e rrjetës.
Reagimi i Kukësit erdhi në minutën e 39-të. Fantastik Agim Ibraimi, i cili merr një krosim të bukur nga Kotobelli nga goditja e dënimit. E ndalon topin me qetësi dhe gjuan bukur me të majtën, për ta dërguar në rrjetë dhe për të vendosur baraspeshën.
Nga ana tjetër, sfida që po luhet në Korçë mes Skënderbeut dhe Apolonisë është në barazim pa gola.
