Kreu demokrat Lulzim Basha ka postuar një tjetër video në rrjetet sociale, ndërsa akuzon Kryeministrin Edi Rama se dështoi në 8 vitet e qeverisjes së tij.
Sipas Bashës, qeverisja Rama rriti kostot e jetesës për shqiptarët, duke rritur varfërinë, ndërkohë që sot janë vendi i fundit përsa i takon mbështetjes. Në video jepet dëshmia e një prindi, i cili shprehet se është detyruar të marrë me listë edhe librat e vajzës së tij, për shkak se nuk ka pasur mundësi t´ia blejë.
“Pas 8 viteve të dështimit të Ramës, pasi kostoja e jetesës është rritur dita-ditës, ka ardhur koha për ndryshim. Rama duhet të largohet, dhe ne do të sjellim një të ardhme më të mirë për Shqipërinë”, shkruan Basha, duke publikuar videon e mëposhtme.
